كلام بدون حروف
نفسى اقدر اعبر بالكلام
او اكتب شعر
لانى حاسة ان الكلام كتير جوايا
مخنوق بيصرخ و عايز يخرج
بس يخرج بنفس احساسه
قوى
و رقيق
كلام دافى
بس حواليه
نسمة لطيفة
عايزة اقول
بحبك
و تحسها زى ما هى جوايا
بس مهما قلت حاسة انه مش كفاية
فبسكت
بس مهما قلت حاسة انه مش كفاية
فبسكت
و ابص لعينيك .. لقلبك .. و بس
posted by من القلب at
2:03 AM
21 Comments:
ولما ابص لعينيك اقرا الكلام اللي عايزة اقوله واسمعه ، ولما ابص لقلبك احس اللي فيه واعيش دقاته ، وبس
5:12 AM
بصي
مش لازم وزن ومش لازم قافيه
اللازم انك تتكلمي وتعبيري وسيصل المفهوم سريعا
4:09 PM
السلام عليكم
اشكرك على الزيا ره وسعيدبك جدا
والله انا كا تب كلا م له نفس المعنى اللى انتى كتباه مستنى دوره فى النشر
نفس اعبر فيه عن اللى جو ايه من غير كلا م ولا صمت ولانظر ولا لمس بشكل لم يعبر بها انسا ن من قبل اريد نمط جديد من التعا بير تقدر تقو ل اللى جوايه
وجعت دما غك اصل الكلام بتا عك نفس اللى عا وز اقوله
تحيا تى
8:12 AM
تظره عين خير من الف قصيده حب وابرك ميه مره من لكلكه ملهاش لازمه
:)
تحياتى
8:38 AM
ايه الجمال ده
ممكن تيجى عندى فى مدونه احسن ما فيها العشق
يا ريت تشرفينى
2:03 PM
انا مش بدور على وزن او قافية انا بدور على الكلام نفسه
لان فى اوقات الاحساس بيكون اكبر من اى كلام
اكيد كلنا مرت علينا اللحظة دى انك تحس ان مفيش كلام تقوله
و بنلجأ فى الاخر للغة العيون
تحياتى للجميع
11:32 PM
ما انتى بتقولى كل حاجه بعنيكى
خللى عنيكى بس هى اللى تتكلم
هيحب هو اكتر ما انتى بتحبية
2:25 AM
جميل جدا رُب صمتُُ ابلغ من الكلام .... بس
8:53 AM
الكلام هو مفتاح الاسرار...فكلمة من القلب تشرح القلب
11:52 PM
انا فعلا مع كلام محمد مفيد
مش لازم وزن ولا قافيه الاهم انك تطلعي اللي جواكي بصراحه اي كان صورته
مدونتك جميله كتير ورقيقه
KEEP IT UP
5:19 AM
والله نظرة عين بتبقى احلى فى اوقات كتير
نظرة بتقول كلام الدنيا كله فى كلمة واحده
مابشوفش نفسى غير فى عيونك!
تسلم عيونك ومشاعرك ومحاسيسك :D
صباحك مسكر معطر
12:21 AM
شكرا لكم على مروركم
نورتوا مدونتى المتواضعة
8:14 AM
اكتبى وعبرى عما يجوش بصدرك فلا ارحم علينا بعد الله سوى القلم الذى نصاحبة ويصاحبنا نعطية فيعطينا
4:44 AM
تامر
حتى القلم بقى مش حر للاسف
ميرسى على زيارتك ليا
وعد العيون
نورتنى و حمدلله على السلامة :)
12:55 PM
قولي اللي في نفسك
وطالما انه طالع من القلب
حايدخل بسهوله القلب
2:56 AM
تيراراراااااااااا
:)
9:03 AM
جو رومانسيه رائع بجد لمس قلبي
ونصيحة أكتبي ما تشأين دون تردد دعي قلبك يتحدث وعقلك يعطي الأمر للقلم فيكتب
البوست رائع
11:14 PM
على فكره الكلمات البسيطه الرقيقه المعبره اللى انتى كتبتيها
اجمل مليون مره من كل قصايد الشعر اللى فى الدنيا بجد حلوة اوى ورومانسيه ومعبره
ربنا يوفقك
11:55 AM
ساعات بكون مثلك جواياكلام كتير بس فى الاخر لازم يطلع يعنى مش المهم هتكتبى ازاى المهم هتكتبى ايه
2:52 PM
انا جيت كتير اوى
وكنت فاكر نفسى عامل كومنت
بس لما دخلت ملتش انى معلق
اولت اعمل كومنت بقا
بس ايه الجمال ده كلو
انتى كده اصلا بتكتبى شعر
وبتقولى باحساسك
وبيوصل للقلب
من غير ما نفكر فيه
وبجد عايزين حاجة جديد كفايه
غيبه بقا
3:38 AM
مش لازم
صدقيني
مش لازم تكوني بتعرفي تكتبي شعر
ولا قصايد
تهم حاجه الي جواكي
بيوصل ولا لا
مش شرط يكون بيوصل بالشعر
مجرد ابتساتمك دي كفايه قوي
3:35 PM
Post a Comment
Subscribe to Post Comments [Atom]
<< Home