من القلب

سلام

2008-04-01T04:12:00.000-07:00

ضاع القلب .. و كان منه الكلام

و بدون القلب .. اقول سلام م م

I can feel you

2008-02-14T09:54:00.000-08:00

You're far away,

but, I can feel you.

You exist in my every breath,

in every beat of my heart,

adding a spectacular sizzle

in all the right places.

Even when I close my eyes,

I see your face and feel

the fire of your caress.

Your presence is a tangible thing...

yet as hard to grasp as the air.

I reach for you,but you elude me.

Still, I can feel you;

the softness of a petal,

a warm wind on my cheek,

a ray in my vision,

a distant light that

ever draws me near.

تحديث

2008-02-12T01:00:00.000-08:00

قدمت قناة ال ام بى سى ريبورتاج عن قضية الزوج الذى سرق كلى زوجته و اوضح

: الريبورتاج الاتى

الزوجة عمرها 17 سنة (قاصر ) و الزوج 44 سنة *

الزوج عليه ديون كثيرة لابد من سدادها *

الزوجة بعد ان اتهمت الزوج بالسرقة انكرت الواقعة و اعترفت ان *

الكلى بيعت برضها لتسديد ديون الزوج

ام الزوجة منهارة و تتهم الزوج باستغلال ابنتها لتسديد ديونه و تؤكد ان البيع تم *

بدون علم ابنتها ولكن الزوج استطاع ان يجعلها تغير اقوالها

اصرار الزوجة على ان البيع بعلمها بدون توضيح سبب اتهمها للزوج*

فى اول الامر بالسرقة

تصوير الريبورتاج كان فى بيت الزوجية الذى يوضح مدى فقر هذه الاسرة

تعليقى

اذا كان الاب يتخلص من بناته القصر تحت مسمى الزواج فالطبيعى ان يبع الزوج زوجته تحت مسمى الفقر و الديون

بين ايديك

2008-01-27T11:10:00.000-08:00

نفسى انساك

نفسى لما اشوف اتنين بيحبوا بعض مش اشتاق لحضنك

نفسى لما اسمع اغنية عن الفراق و اد ايه هو صعب ..عيونى متبكيش

نفسى لما اتكلم مع اى حد ..حروف كلامك متنطش على لسانى و استخدمها

نفسى لما اسرح بخيالى .. مابتسمش لفرحة معاك او متوجعش لهجر بينا

نفسى لما انام .. احلامى و كوابيسى متكنش انت البطل فيها

.. نفسى بجد حبيبى انساك

قبل ما يقتلنى ببطء جفاك

.. بس مش بايدى

بقلبى اللى بين ايديك بيتمنى رضاك

تشترى كلى ؟؟ وان دولار

2008-01-13T01:07:00.000-08:00

جاءنا الخبر التالى من ال بى بى سى
رفعت امرأة من محافظة المنوفية في مصر دعوى قضائية على زوجها تتهمه فيها ببيع إحدى كليتيها في السوق السوداء.
وقالت المرأة، التي تدعى وردة محمد البنا، إن زوجها، سعد حلمي، قال لها إنهما سيذهبان لزيارة أقاربهما ثم اعطاها مشروبا من عصير البرتقال قبل أن يغادرا المنزل.
وأضافت أنها فقدت وعيها بعد ذلك في الطريق وبعد ان عادت إلى الوعي وجدت نفسها في احدى المستشفيات الخاصة في حي مصر الجديدة في القاهرة.
وقال لها زوجها مفسرا الأمر إن حادثا وقع لها في الطريق.
وبعد فترة قصيرة بدأت تشعر ببعض المتاعب الصحية، وأظهرت التحاليل والاختبارات أنها فقدت إحدى كليتيها.
ووجهت السلطات الاتهام إلى الزوج ببيع كلية زوجته بمبلغ 2700 دولار في السوق السوداء التي تشهد انتعاشا في مصر لهذا النوع من تجارة الأعضاء.

الخبر ده لما قريته فكرنى بيأجوج و مأجوج لما يخلصوا على اليابس و الحى هياكلوا بعض

هو احنا خلاص وصل بينا الحال اننا نبيع لحم بعض ؟
يعنى الواحد يكون قاعد وسط اهل بيته و خايف ان يكون واحد منهم طمعان فى رجله و لا فى عينه ؟؟
الرجل ده مفكرش ان الفلوس دى ممكن تتصرف علاج لمراته نتيجة عملته ؟؟ ولا وقتها هيرمها فى طرقة من طرقات المستشفيات المجاني تستنى دورها بعد شهور فى الغسيل الكلوى ؟؟
اللى مش متجوز طيب هيبيع مين امه .. ابوه .. اخواته ؟؟

ارحمنا يا رب برحمتك

مين احلى نانسى عجرم ولا عمرو دياب

2008-01-09T23:37:00.000-08:00

من كام يوم كنت فى زيارة عائلية و كانت تجمع بين ازواج و بنات و اولاد واصبحت العادة ان التليفزيون يكون مفتوح على طول حتى لو محدش بيتفرج عليه.. نوع من التغلب على الخلفية الصامتة لو الكل سكت فجاة
و فعلا الكل سكت فجاة لما بدات اغنية نانسى عجرم فى حفلة كانت عاملها و لابسة فستان جميل اهو..

و بدات التعليقات عليها من انها امورة و مغرية و بريئة و اغلب التعليقات كانت من الجانب الرجالى لكن الزوجات كان فى حقد و غيرة منها و ده بان لما اتقال البركة فى عمليات التجميل .. اصل الفلوس تعمل اكتر من كده ..هى الاخلاق باظت من شوية
و انتهت الاغنية و لكن سابت اثارها فى الناس من رغبة ، لتمنى ، لغيرة ، لتدبير لخناقة قبل النوم او يمكن حتى فى الطريق للبيت

بعدها بشوية طل علينا عمرو دياب باغنيته الجديدة و هو مصورها فى امريكا مع بنت موديل فعلا جميلة بردو

و تانى التعليقات بدات على الموديل بس البعض كانت مش عجباه لانها رفيعة حبيتن تلاتة
و هنا انا استغربت
فين عمرو دياب طيب من الحوار ده ؟؟
و قلت عمرو دياب كمان احلو اوى وشكله صغر
و كان رد الفعل كالاتى البنات قالوا اه فعلا بقى احلى ده بقى واووو و الولاد منهم اللى قال انا اشتريت نضارة زى بتاعته و اللى قال اه اصله عمل عملية تجميل و التالت اناعجبنى انه عنده عضلات
اما الازواج فسكتم بكتم
يمكن واحد علق منهم انه عامل مكياج
.
.
ليه طيب الرجل من حقه يتغزل فى اى واحدة حلوة و يتكلم عن مفاتينها و عن لبسها و عن دلعها
و الست متقدرش تفتح بؤها و تقول اه الرجل ده عجبنى فى استايل ليبسه او عيونه او او
خالينا بعيد عن الدين لان الدين كان واضح و صريح ان الاتنين لازم يغضوا البصر

دايما الرجل شايف نفسه لا يعيبه شىء غير جيبه و انه فى اى وقت هو مرغوب و مليون واحدة ترضى به
لكن الست مليون حاجة تعيبها من اول شعرها لو مش مقصوص كويس لحد صوباع رجلها الصغير لو فيه كالو

هى الست مالهاش نفس هى كمان يكون زوجها مهتم بنفسه و بشكله
هى الست لما بتشوف رجل تانى شكله جذاب مش بيعجبها
ولا الرجل دايما بيقنع نفسه ان مراته مش هتبص لحد تانى و يعجبها
ليه الرجل بيندب حظه لما يتفرج على الكليبات اللى فيها فنانات و كأنه هو مثلا نجم من نجوم السينما و اتجوز الانسة حنفى؟؟
طيب فكرت للحظة لو واحد زيك نانسى عجرم دى شافته هيعجبها ولا لا ؟؟
فكرت للحظة انك لو فعلا وفرت لمراتك الفلوس اللى تعمل بها عمليات تجميل و تروح لاكبر بيوت ازياء و موضة هتكون عاملة ازاى ؟

بتنهار الرجالة على دلع نانسى
و جسم هيفاء
و عيون رولا
وشفايف اليسا

طيب خدوا بالكم بقى لان فى
عيون عمرو دياب
ابتسامة صابر الرباعى
شعر وائل كافورى
وحنية فضل شاكر

اخر الكلام
انا مش بقول كل واحد يبص على مزاجه و يقول اللى عجبه
انا هنا عايزة كل واحد يفكر قبل ما يتكلم عن جمال واحدة مشهورة قدام زوجته او حبيبته لان المقارنة انت كمان مش هتنجح فيها و زى ما المقارنة مش هتعجبك بينك و بين عمرو دياب بلاش بردو تقارن بينها و بين نانسى عجرم

ملحوظة
مسألة الجيب دى-اللى بيقول الرجل انها الشىء الوحيد اللى يعيبه - موجودة بردو عند المشهورين دول و يمكن اغنى مننا كلنا

2008-01-09T10:32:00.000-08:00

مرت سنة

2007-12-29T02:41:00.000-08:00

فى الوقت ده من سنة مرت كتير قالوا لى بكرة تتعودى على غيابها و ربنا بيخلى الانسان ينسى و الدنيا بتاخده .. انتى كبيرة و اد المسئولية .. احنا هنكون جنبك على طول و اى خدمة و اى طلب تحت امركم ..الحمدلله انكم مش صغيرين و الوقت ده ارحم بكتير من انكم تكونوا اطفال

السنة دى - قليلين - قالوا انتى ما شاء الله عليكى مش مخلية اخواتك محتاجين حاجة ..ده كل حاجة بتوصل للبيت دلوقتى بالتليفون ..ده الواحد مش فاضى و وراه هم الدنيا ده كفاية بس الولاد .. و الله دى ارتاحت من الهم اللى الواحد بيشوفه اليومين دول

بالليل لوحدى و انا فى سريرى متعودة يمر عليا احداث اليوم كلها و اراجع نفسى فيها و اسئلة كتير يومها دارت فى بالى

هى الناس ليه وقت المصيبة يعملوا جدعان اوى و بمرور الوقت يختفوا ؟؟ هى الجدعنة و قتية ؟؟ولا هى فض مجالس ؟؟

الناس ليه دايما تحب تبين نفسها مش سعيدة و تعبانة و محتاجة اللى يساعدها ؟؟ خوف من الحسد ؟؟ ولا عشان محدش يطلب منها حاجة ؟؟

ليه كل ما الوقت يمر بشتاق لامى اكتر و لحضنها ؟؟

هو الاحتياج للحنان مرتبط بسن ؟؟ هو السن الصغير هيكون عنده كمية الذكريات وة الاحداث دى ؟؟ ولا هيكون هى له مجرد طيف كان يتمنى وجوده ؟؟

اد المسئولية ممكن لكن راضية بهاو سعيدة بتحملها ؟؟ مسئوليتى انا مين يشيلها ؟؟ لما اكون محتاجة لحضن ارتاح فيه و ارمى حملى عليه ده اسمه عدم تحمل للمسئولية و دلع بنات ؟؟

وحشتنى امى و وحشنى ان اكون طفلة مدللة بالرغم انف كل من قال انك اصبحتى ذكرى او انى اصبحت كبيرة

2007-12-20T05:13:00.000-08:00

خطوات

2007-11-17T01:05:00.000-08:00

عشقى الاول هو متابعة السلوك الانسانى

و قد تفاقم هذا العشق حتى وصل لتفسير خطواتهم طلوعا و نزولا على سلالم منزلى

فهناك خطوات سريعة صاعدة قد تكون فرحة بالعودة او تحمل خبر سار او لعلها تربد اللحاق بشىء ما

و العكس خطوات سريعة هابطة ..هل هى هاربة ؟؟ اما هى تسابق نفسها لملاقت الحبيب او ميعاد ما؟؟

خطوات هامسة .. اهى رقى و احترام للجار ام هى محبة للمفاجاة او المباغتة ..او لعلها محبة لتكتم و الخصوصية

خطوات ثقيلة بطيئة .. اهى مثقلة بأعباء يوم شاق و تنتظر الراحة .. ام هى نادمة على العودة

خطوات مزعجة .. اهى اعلان عن الحضور للجميع .. ام هى همجية و عدم اكتراث

خطوات رنانة لاصحاب الكعوب العالى الرفيعة .. حالها يقول انى امراة جميلة .. او موتوا غيظا فانا حرة

. هل فكرت ان تستمع لخطواتك ؟؟ استمع لها فهى تعبر عن كثير للاخرين و انت لا تعلم ذلك

لاولى الالباب

2007-10-05T05:29:00.000-07:00

رمضان كريم

2007-09-11T12:38:00.000-07:00

ابواب مدينتى

2007-05-26T10:18:00.000-07:00

أحاول الاختباء خلف جدران كرامتي
أحاول سيدي رغم انهيار مقاومتي
نعم سيدي
خليط أنت من القسوة و الحنان
خليط من الجفاء و الحب
أحيانا اشعر انك بلا قلب
أحيانا اشعر أنك خلقت للحب
أحيانا تكون غابة موحشة
أحيانا تكون اجمل بستان
تحتويني كإنسان
أحيانا تقتلني بأحساس الذل و الهوان
فأحاول أحتفظ بما تبقى لي وأرحل
أرحل إلى حيث اللا مكان
أغوص في أعماقي
أتحرر من حبك وأغلق أبواب مدينتي
نعم سيدي سأحاول وضع نهاية لقصتي

2007-04-14T02:34:00.000-07:00

ليه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

عجبي

فراقك امى

2006-12-29T05:48:00.000-08:00

كل شىء فى الدنيا غالى

اغلى منه حب امى

البياض اصبح رمادى

يوم فراقك يا امى عنى

انطفت فيه شمعتى

كل حب الكون يهون

الا حبك مستحيل

يلى حضنك كان حنون

ليكى صاينة الجميل

ابتسمتك كانت فرحتى

انتى علمتينى افرح

انتى علمتينى احب

علمتينى ديما اصفح

وبحنانك قلبى شد

دعاكى كان املى ومنيتى

يوم فراقك كان حزين

دقت فيه طعم المرار

بالدموع ابكى يا عين

انطفت شمس النهار

ع الهموم يا رب عنى

من فراق ست الحبايب

من العذاب يا رب صنى

ارحم القلب الى دايب

بالصبر نور سكتى

وبالجنة ادخل اغلى الحبايب

لا تسألنى

2006-12-17T21:52:00.000-08:00

لا تسألني لماذا احببتك

ولا تسالني متى احببتك

ولا تسالني عن اسباب اشتياقي

لاني عندما رأيتك تبعثرت جميع اوراقي

احس بك وانت بعيد

واراك امامي وفي منامي

اصبحت اراك في وجه البشر

هل اشكر القدر لانه عرفني عليك ؟

وجعلني أذوب في عينيك

تلك العيون الحزينة التي رمتني في بحر لا اعرف قراره

لقد ارتسمت ملامحك في أحداقي

واختطت حروف اسمك في قلبي

فهل بعد كل هذا تسألني

هل تحبـــيني!!!

كلمات اعجبتنى و للاسف لا اعرف اسم الكاتبة

كلام بدون حروف

2006-11-07T02:03:00.000-08:00

نفسى اقدر اعبر بالكلام
او اكتب شعر
لانى حاسة ان الكلام كتير جوايا
مخنوق بيصرخ و عايز يخرج
بس يخرج بنفس احساسه
قوى
و رقيق
كلام دافى
بس حواليه
نسمة لطيفة
عايزة اقول

بحبك

و تحسها زى ما هى جوايا
بس مهما قلت حاسة انه مش كفاية
فبسكت

و ابص لعينيك .. لقلبك .. و بس

2006-10-21T10:31:00.000-07:00

كل سنة و كلكم طيبين و بخير

و عيد سعيد عليكم

و ان شاء الله يكون صيام رمضان اتقبل منا جميعا

بس انا لى طلب منكم

زى ما الواحد عمل خير فى رمضان

ياريت نكمل فى العيد الخير ده

فى ناس بيعدى عليهم العيد و مش بيفرحوا به زينا

ممكن نحاول نفرحهم فى العيد بأى حاجة و اكيد كل واحد منا بطريقة من الطرق بيعرف اسرة فقيرة او طفل يتيم او رجل مسن وحيد او حتى عساكر الحراسة اللى بعيد عن بيوتهم و جايين من كل قرى مصر

و اللى منكم هيقول معرفش حد و لا بشوف حد كدا

هقوله فى حاجة تانية تقدر بكلمة تشارك بها فرحة العيد و هى كلمة عيد سعيد لكل ذى صلة رحم و لكل اصحابك و احبابك

ربنا يجعله عيد سعيد على كل المسلمين ان شاء الله

2006-10-18T23:01:00.000-07:00

اللهم فى هذه الليلة المباركة فرج كرب و هم احبابنا و المسلمين جميعا
اللهم إني عبدك ابن عبدك ابن امتك ، ناصيتي بيدك ، ماض فيَّ حكمك ، عدل فيَّ قضاؤك ، أسألك بكل اسم هو لك سميت به نفسك أو أنزلته في كتابك أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ونور صدري وجلاء حزني وذهاب همي

اللهم إني أعوذ بك من الهم والحزن و العجز و الكسل والبخل و الجبن وضلع الدَّين وغلبة الرجال

اللهم لا سهل إلا ماجعلته سهلاً وأنت تجعل الحزن إذا شئت سهلاً اللهم رحمتك أرجو ، فلا تكلني إلى نفسي طرفة عين ِ، وأصلح لي شأني كله ، لاإله إلا أنت الله ، الله ربي لاأشرك به شيئاً

لاإله إلا أنت سبحانك إني كنت من الظالمين

اللهم خلصني اليوم من كل مصيبة نزلت من السماء إلى الأرض ,اللهم اجعل لي سهماً في كل حسنة نزلت من السماء إلى الأرض

اللهم اغفر لي ذنبي خطئي وعمدي ،اللهم إني أستهديك لأرشد أمري وأعوذ بك من شر نفسي

اللهم إني أسألك موجبات رحمتك وعزائم مغفرتك والسلامة من كل إثم والغنيمة من كل بر والفوز بالجنة والنجاة من النار

سبحانك إلهي إذا ذكرت خطيئتي ضاقت علي الارض برحبها ، وإذا ذكرت رحمتك ارتدت إلي روحي

إلهي أسألك يا إله إبراهيم وإسماعيل وإسحاق ويعقوب أن تعطيني سؤالي ، فإن إليك رغبتي ، اللهم برحمتك اغفر لي ذنوبي ولا تباعدني من رحمتك بهواي ، اللهم إني أعوذ بك من دعوة لا تستجاب ، وصلاة لا تقبل ، وعمل لا يقبل اللهم اغفر لي بنور وجهك الكريم ذنوبي التي أوبقتني ، إلهي فررت إليك بذنوبي ، واعترفت بخطيئتي فلا تجعلني من القانطين، ولاتخزني يوم الدين

اللهم امين .. اللهم امين .. اللهم امين

2006-10-09T10:31:00.000-07:00

اذا جاءكم فاسق بنبأ" صدق الله العظيم "

امبارح وصل لى ايميل فيه صورة البوست السابقة الخاصة بلعبة من شركة ليجو استهزاء برسول الله الكريم
ولان اقتناعى بان الشركة متعملش كذا حفاظا على سمعتها
ولان لى انسان عزيز قالى ممكن ناس تبص للصورة و متفكرش و يبقى البوست مجرد مساعدة لانتشار شائعة
قررت ابعت ايميل بالصورة لشركة ليجو مستفسرة عن اللعبة و ده كان ردهم

From: LEGO-DIRECT
Date: Oct 9, 2006 4:01 PM
Subject: LEGO Direct Ref.019099704A; EN-RW

Dear Ms
Thank you for your interest in LEGO® brand toys. We are always delighted to hear from a loyal LEGO enthusiast. The picture you have seen is most definitely not a picture of a LEGO product. It is a computer manipulated image, without any association to a physical product of any kind. Unfortunately, we do not know the source of the picture, but we have seen it appear on different web sites on the internet a number of times this year. We have obviously investigated various ways to stop circulation of this picture on the Internet, and since civil actions does not seem be an effective tool in this respect, we have decided that our best option is to work with the Danish police. We certainly hope that circulation of this picture will be stopped, sooner rather than later.

Yours sincerely,
Susana Rodriguez
LEGO Direct

اظن الرد بينفى مسئولية ليجو و بكدا يكون شخص يعلم جيدا انه بهذا الصورة سيثور المسلمين و تستمر المقاطعة و الكره للمسيحين و الله اعلم بقى جنس ملته ايه

2006-10-08T19:02:00.000-07:00

هل الصورة فعلا من شركة ليجو- اللى استحالة تعمل كدا ليس حباً فى المسلمين و لكن حفاظاً على سمعتها و اطفالهم ؟

هل الصورة من اناس يحاولون اغاظت المسلمين ؟

ام هل الصورة من فعل مسلم يرد ان يقاطع المسلمين الدنمارك كيدا و غيظاً ؟

اي من كان صمم هذه الصورة فليس له غير رد واحد من القلب فى هذا الشهر الكريم

"حسبنا الله و نعم الوكيل "

2006-10-01T13:44:00.000-07:00

بدور على محبوبى .. وحدوووووووووه...

احترنا كتير انا و اصحابى هنتجمع و نفطر فين سوا السنة دى و اخيرا وصلنا اللى اننا نعيش جو الاصالة و التراث
واختارنا الحسين
راح صديق حجز فى الدهان بتاع المشويات لانه بيكون زحمة جدا ولازم بالحجز
و اتصل بينا كلنا و قال انها وجبات كل وجبة طبق رئيسى من المشويات و سلطة و خشاف
الوجبات كباب مشكل - حمام محشى - موزة
انا اخترت حمام لانه معروف الهوية لكن اللحمة الله اعلم
و قررنا نتقابل بدرى علشان نختار موقع كويس فى ترابيزات الشارع و نصلى المغرب فى الحسين
امتى يا جماعة قالوا نكون هناك على خمسة و ربع
نزلت من بيتنا على اربع و نص و قلت هاخد طريق صلاح سالم للازهر
فى نص الطريق اتصلت بى واحدة من اصدقائى و قالت لى اركنى فى الباركينج بتاع الدراسة علشان مفيش اماكن غير هناك
اوكى هو بعيد شوية بس مش مهم المحلات فى شارع الحسين جميلة اهو اتفرج عليها
وصلت هناك و كالعادة الفتحة اللى قدام الباركينج مقفولة ولازم الف من قدام
قدام ده فين بقى ؟ من تحت كوبرى الازهر فى اول الشارع
واكتر من نص ساعة علشان الف و ارجع للباركينج
الادان ادن .. مش مهم لسه بيكون فى اقامة و هالحق الصلاة
وصلت اخيرا للباركينج .. اسفين مفيش اماكن البارك اتملى
هركن فين انا طيب ؟؟ ... دورى حضرتك على ركنة فى اى شارع جانبى
لفة تانية .. امرى لله مش مهم اكيد هلاقى مكان
لاقيت شارع جنب الحسين واحد قالى تركنى قلت ايوه يا ريت
قالى تعالى ادخلى هنا بس سيبى المفتاح .. ليه ؟؟ .. علشان انا هركنها فى وسط الشارع و لو حد حب يخرج اخرجه
رميت له المفتاح و جريت
اهلا احنا صلينا خلاص .. تعالى بقى نفطر الاول و بعدين تبقى تصلى .. طيب
المكان زحمة جدا .. و مكاننا فى وسطها و كل اللى رايح و جى بيخبط فينا .. مش مهم
وصل الاكل !!!!!!!
ايه ده ؟ عصافير ولا حمام ؟ ده كباب ولا عضام ؟؟ الرز فى العصافير اقصد الحمام نى لسه
و الباقى بيعانى فى الشد و المضغ .. مش مهم الرز مضغه اسهل
ندهت الرجل .. فين الخشاف ؟؟ .. ما هو ده يا انسة الكركديه ده .. الكركديه هو الخشاف !!؟؟ .. مش مهم اهو حاجة مسكرة و خلاص
كلمت امى فى الخباثة ..(ماما اعملى حسابى فى الفطار لحسن الاكل وحش قوى)
طبعا الولد اللى حجز فى نص هدومه و الكل بيهزء فيه .. قلت خلاص مش مهم يا جماعة المهم اننا مع بعض
الحمدلله انتهت مهمة الشد و الجذب مع الاكل و قررنا نغسل ايدينا و نمشى
اول واحدة راحت و رجعت قالت لا اوعى تروحوا تغسلوا ايديكوا امسحوها بمنديل او حتى فى هدومك ارحم .. نو كومنيت
طيب استاذن انا يا جماعة اصلى .. و قد كان .. بس جيه فى بالى سؤال وانا ساجدة .. ريحة الجزم الرهيبة دى جات منين بالرغم ان الواحد بيصلى من غيرها !!!؟؟
خرجت من الجامع ..اخيرا هواء نضيف .. احمدك يا رب انى لحقت اجرى قبل ما اترش بالمسك الحسينى الشهير
ها هنعمل ايه ؟؟ .. نقعد على الفيشاوى طبعا اى مكان تانى لا .. طيب
الحمدلله وصلنا فى الوقت المناسب ..مكان لسه فاضى اهو بس جوه .. مش مهم الاهم اننا هنقعد فيها
القهوة جميلة و فيها تحف و شغل يدوى للمشربيات حلو قوى .. بس لو شاطر تقدر تشوفه من الدخان
الجو حر قوى و مليان دخان و كل شوية حد يدخل بيبع حاجة و منهم اللى بيزن و يتحايل
كأن الواحد فى سوق من الولد بياع المناديل للراجل بتاع الساعات المضروبة لبتاع لمبات الجاز الصغيرة و هو بيميل على كل اتنين -ولد و بنت - و يقولهم لمبة حبنا
و بتاعت الفل - فل ؟؟ ده اكيد رحته بقت تفاح او معسل - بتاعت السودانى اللى بقشره - بتاع القرود - بترمى شوية على كل ترابيزة و لو شاطر تلم او تدفع يا حلو
و بتاع المحافظ و الاعقاد و كتابة اسمك على رزة .. الخ الخ
اغرب حاجة بتاعت الحنة يترسم حنة للناس على القهوة .. ازاى يعنى ؟؟ .. و يغسلوا ايديهم و رجلهم فين منها ؟؟
مش مهم اهى ارزاق و كل واحد بيجرى ورا رزقه و اهو موسم لهم
و فجاة
دخلت واحدة معها رق و بتقول بدور على محبوبى بصوت عالى و تميل على الولاد و الرجالة و تقولهم انت محبوبى و تروح قرصاه فى صدره
و ابتدات تسال البنات و الستات متعرفوش محبوبى فين و بتقرصـ ... قلت لا لحد هنا و نقوم ..بياعين و دخان و حر ماشى لكن مجانين لا لا لا
و قمنا- الحمدلله قبل ما توصل لنا الست دى
طيب الساعة تمانية لسه .. هنعمل ايه ؟؟
نروح الدرب الاصفر او وكالة الغورى فى اماكن هناك بتعمل حفلات جميلة .. ايوه يلا اخيرا هنعيش الجو بجد
و بعد معاناة من تخبيط فى الناس والعساكر الملين المكان -علشان السياح - و البايعين واصحاب القهاوى اللى بتشدك علشان تقعد عندهم و الرجل المجذوب اللى بيصرخ فى ودنك وحدووووووووه و يعميك بدخان بخوره
وصلنا هناك .. و كان الرد .. لا لسه الحفلات على يوم خمستاشر
هنعمل ايه ؟؟
هنا بقى صرخت و قلت لا خلااااااااااااص نروح كفاية لحد كدا
و لاقيت كل واحد مرحب جدا بالفكرة بس مكسوف يقول علشان الصحبة الحلوة
.
.
.
.

و انا راجعة مر على بالى المكان تانى بعيد عن عيوبه
الازهر .. قبته و مأذنته و هم منورين انوار اخضر فاتح فى اصفر مع السما البرتقالى الغامق
الفوانيس النحاس ام شمعة بفصوص ازاز ملون .. الابريق و الطبق و الترابيزات المحفور عليهم رسومات عربية
المغنى العجوز القاعد فى ركن اى قهوة بيغنى اغانى قديمة على عوده بمزاج و بطريقة مختلفة
قماش الخيامية بالوانه .. فساتين و بدل الرقص اللى بتعكس انوار كتير على الترتر بتاعها..العود بالوانه البنى فى العسلى فى الاصفر.. الرق و صاحبته الطبلة اللى بيغروا الواحد انه يمد ايده و يضرب عليهم و لو ضربة بسيطة
شغل الصدف بلمعته .. و الفضة و هى واخدة فى حضنها الاحجار الكريمة
لمة الاهالى و الاصحاب و فرحتهم برمضان

هو ده المهم :)

2006-09-25T06:45:00.000-07:00

اين يذهب هذا الرجل طوال السنة ؟؟.... و اين ذهب هذا العام ؟

اصحى يا نايم

اصحى وحد الدايم

و قول نويت ان بكرة حييت

الشهر صايم

و الفجر قايم

اصحى يا نايم

وحد الرزاق

رمضان كريم

المسحراتى كان بيمر من تحت البيت و انا صغيرة و بمجرد ما اسمع صوت طبلته و هو بينده اسماء كتير و منها كتير مش فى الشارع و اغلبها اسماء ولاد بس بينده و خلاص باسماء كتير اجرى و اقول يمكن يقول اسم حد من بيتنا لكن دايما سؤالى بعد ما يمشى لامى هو بيروح فين باقى السنة تقولى هو بيظهر بس فى رمضان زى حاجات كتير مش بتكون غير فى رمضان زى الفوانيس و الياميش كنت بسكت بس اجابتها كانت مش بترضى فضولى انى اعرف هو بيروح فين ... روحت لجدتى اسالها - الله يرحمها يا رب - قالت هو ده مسحراتى ده ايامنا كان المسحراتى غير كدا كنا بنقف له بالفوانيس فى البلكونات و اول ما يقول اسمنا ننزل جرى وراه بالفوانيس لحد اخر الشارع نصحى باقى الولاد و كان بيقول مواعظ و حكايات مختلفة عن الصفات الوحشة و الكويسة و سالتها هو بيروح فين باقى السنة قالت الله اعلم زمان كان واحد بيعمل كدا بدون مقابل محبة و كسب ثواب و بيشغل طول السنة حاجة تانية لكن اليومين دول_ ده من 10 سنين الحوار ده - اى حد بيخبط عليكى الباب فى العيد و يقول انه المسحراتى و عايز العيدية

السنة دى لسه مش ظهر المسحراتى

و السؤال اصبح .. هو فين راح المسحراتى ؟؟

2006-09-23T02:52:00.000-07:00

اسال الله لكم رزق مريم و قصر أسيا و تقوى عائشة و قلب خديجة و رفقة فاطمة و جمال يوسف و مال قارون و ملك سليمان و صبر ايوب و عدل عمر و حياء عثمان و وجه على و محبة الرسول عليه افضل الصلاة و السلام و ميعاد ال ياسر
ربنا تقبل منى الدعاء
و كل سنة وانتم طيبين

2006-09-20T11:56:00.000-07:00

......رتب الاحداث ترتيبا صحيحا او منطقيا
زمان و انا صغيرة كنت بحب العب لعبة ترتيب الاحداث و اكتشف الفوارق بين الصورتين و كنت بستمتع جدا بها و لما احلها فى وقت قصير احسن بذكاء خارق دلوقتى معرفش هل ذكاء قل او ان اللعبة بقت غير منطقيةجربوا معايا كدا الاحداث دى ترتبها صح و منطقى ولا انا اللى ذكائى قل
نشرت الاحداث التالية حول تصريحات بابا الفاتيكان bbc
الجمعة 15 سبتمبر
الفاتيكان يستعد للغضب الإسلامي
يشعر الفاتيكان بقلق بالغ إزاء احتمال وقوع أعمال عنف ضد دولة الفاتيكان صغيرة المساحة، والتي تقع في قلب روما، بعد سيل الانتقادات من جهات إسلامية في العديد من البلدان ضد البابا بنيديكت السادس عشر
فقد أثارت تعليقات البابا بنيديكت في وقت سابق والتي انتقد فيها مفهوم الجهاد في الإسلام، تعليقات معادية في العديد من البلدان الإسلامية.
وتم تصعيد الإجراءات الأمنية بشكل غير ملفت في مدينة الفاتيكان المحاطة بالأسوار، وإن كان البابا بنيديكت نفسه ليس في مقره بها في الوقت الراهن.
فالبابا يستريح بعد جولته الأخيرة إلى ألمانيا في المقر البابوي الصيفي في جبال الألب.
ويبدو أن الغضب العارم الذي أعرب عنه رجال دين ومعلقين مسلمين إزاء اقتباس البابا من كتاب دوِّن قبل ستة قرون يحتوي على أقوال إمبارطور مسيحي من بيزنطة القديمة، أثار المسؤولين في الفاتيكان بالدهشة.
وقد تحدث الإمبراطور البيزنطي عن أمر النبي محمد "بنشر الدين الذي نادى به بالسيف".
------------------------------------------
الاثنين 18 سبتمبر
نص بيان البابا الشخصي
فيما يلي نص بيان البابا بندكتوس السادس عشر الذي أعرب فيه شخصيا عن أسفه العميق على خلفية ردود الفعل وخطابه الذي احتوى اقتباسا اعتبر مسيئا لمشاعر المسلمين.
الإخوة والأخوات الأعزاء: إن الزيارة الرعوية التي قمت بها مؤخرا في بافاريا كانت خبرة روحية عميقة، جمعت ذكريات شخصية ترتبط بأماكن أعرفها معرفة جيدة ومبادرات رعوية نحو إعلان فعال للبشارة اليوم.
أشكر الله للفرح الداخلي الذي منحني إياه، كما أشعر بالامتنان لكل الذين عملوا جاهدين لنجاح هذه الزيارة الرعوية.
وكما هي العادة، سأتحدث أكثر عن ذلك خلال الاجتماع العام الأربعاء المقبل.
وفي هذا الوقت، أود أيضا أن أضيف أنني أشعر بأسف عميق لردود الفعل في بعض البلدان لفقرات قليلة من خطابي بجامعة ريغينسبورغ، والتي اعتبرت مسيئة لمشاعر المسلمين.
لقد كانت هذه في الواقع اقتباسا من نص يرجع للعصور الوسطى، ولا يعبر بأي صورة عن فكري الخاص.
وأمس نشر الكاردينال وزير الخارجية بيانا بهذا الصدد شرح فيه المعنى الحقيقي لكلماتي.
آمل أن يعمل هذا على تهدئة القلوب وإيضاح المعنى الحقيقي لخطابي، والذي بالنظر إليه مكتملا كان وما يزال دعوة لحوار صريح وصادق، باحترام عظيم متبادل.
----------------------------------------
الثلاثاء 19 سبتمبر
شيخ الأزهر يوجه انتقادات شديدة لبابا الفاتيكانوجه شيخ الازهر محمد سيد طنطاوي يوم الثلاثاء انتقادات حادة للبابا بنديكتوس السادس عشر بسبب استخدامه اقتباسا من العصور الوسطى أثار احتجاجات واسعة بين المسلمين في أنحاء العالم.
وقالت وكالة رويترز للانباء ان شيخ الازهر اوضح خلال لقاء مع ممثل الكنيسة الكاثوليكية في القاهرة الاب يوحنا قلتة ان البابا "سكت دهرا ونطق كفرا."
وأضاف طنطاوي أن البابا لم يرفض ما قاله عن امبراطور بيزنطي بان النبي محمد لم يأت الا بكل ما هو شرير وغير انساني.
واضافت رويترز ان شيخ الازهر قال "كان من الواجب على البابا عندما ذكر هذا الكلام أن يعلق عليه وأن يرفضه، ولكنه لم يرفضه فيكون في هذه الحالة كأنه هو الذي قاله."
وقال شيخ الازهر "نحن نقول يجب أن يعتذر صراحة وأن يقول ان ما ذكرته قاله فلان وأنا أعتذر عن أني لم أعلق."
وأضاف "نحن نريد اعتذارا واضحا وصريحا بأن ما قاله كان كلاما سيئا وأن يعتذر عنه."

---------
هو مش مفروض برده ان الاحداث تكون بالعكس يعنى الشيخ الاكبر للازهر الشريف منبر الاسلام فى الشرق الاوسط (على حسب كلام الازهر) انه يكون اول شخص يقوم بالرد على البابا و المطالبة بالاعتذار الفورى و بعد كدا البابا يعتذر و الناس هناك تخاف و تقول المسلمين زعلانين لدرجة ان البابا نفسه اعتذر
طيب هو الشيخ الاكبر اتاخر ليه فى الرد ؟ و لما الناس تخاف و تأمن نفسها بعد التصريحات ورد الفعل ده بياكد ايه ؟و لما يعتذر البابا بطريقة اسفه العميق لردود الفعل -يعنى اسفه مش على الكلام - و ان الكلام مش كلامه - مع العلم ان دى كانت محاضرة علمية يعنى مدروس كل كلمة فيها و مدى رد فعلها و ايه هدافها - ده معناه ان قصده من ده كله ايه ؟

يظهر فعلا ان ذكائى قل و حاجات كتير مش فاهمها :(

2006-09-16T14:55:00.000-07:00

ردا على تاج من العزيزة مونى ......... هذه ارائى المتواضعة

هل انت راضى عن المدونه شكلا و موضوعا؟

شكلا لا لانه ديزاين استاندر مش بيعبر عنى يعنى ،اما موضوعا فانا لسه بقول يا هادى بحاول انظم افكارى

هل تعلم اسرتك الصغيره بامر مدونتك؟

لا الشخص الوحيد اللى بيعرف عنها هو اللى عرفنى يعنى ايه مدونة و هو اللى بيساعدنى لما اتزنق فى حاجة مش فاهمها

هل تجد حرجا من ان تخبر صديقا عن مدونتك؟

و الله حسب الصديق يعنى لو فى صديق قريب و بتكلم معاه بفضفضة ممكن اقوله ..غير كدا لا

هل تسببت المدونات بتغير ايجابى لافكارك ؟ اعطنى مثال فى حاله الاجابه بنعم
بالنسبة لى لانى جديدة لسه تاثرها مش قوى بس فى مدونات حسيتها انها بتتكلم عن لسانى و بتقول اللى جواياو من المدونات اللى اثرت فيا مدونة ايوه خدامة و من كام شتا و كلبوزة لكن سمباتيك
هل تكتفى بفتح صفحات من يعقبون بردود فى مدونتك ام تسعى لاكتشاف المزيد؟
لا بصراحة اللى بيرد عليا - هم تلاتة اربع لحد دلوقتى - لازم اروح و اشوف مدونتهم واعرف اكتر عنهم و منهم بروح لمدونات تانية

ماذا يعنى لك عدد الزوار..هل تهتم بوضعه ؟
و الله يهمنى اكتر الردود من الزوار

هل حاولت تخيل شكل اصدقائك المدونين؟
طبعا و حتى من غير ما احاول ده بلاقى نفسى اترسمت ملامح للكاتب من غير ما احس و الله اعلم صح ولا لا طبعا
هل تشعر ان مجتمع التدوين مجتمع منفصل عن العالم المحيط بيك ام متفاعل مع احداثه؟
فى مدونات روحتها نشيطة جدا زى منال وعلاء و فى مدونات لناس بتخرج اللى جواهاو بس زيى كدا :)
هل ترى فائده حقيقيه للتدوين؟
اكيد والا مكنتش اشتركت فيها كفاية ان الواحد يلاقى مكان يفضفض فيه حتى لو محدش سمع ولا شاف
هل يزعجك وجود نقد بمدونتك ام تشعر انه ظاهره صحيه؟
حسب النقد يعنى و انا بمر على المدونات لاقيت واحد نقده ما هو الا شتيمة و ده طبعا مرفوض و مقابلش به لكن نقد بهدف النصح او لفت النظر لغلط معين عادى مش هيزعجنى المهم الاسلوب

هل تخاف من بعض المدونات السياسيه وتتحاشاها؟وهل صدمك اعتقال بعض المدونين؟
لا مش هتحاشاها هتابعها لكن لو هى ممكن يحصل من وراها مشاكل ممكن مش اكتب فيها و طبعا اتصدمت من قصة الاعتقال دى لان مفروض يعنى ان البلد فيها حرية راى و صحافة و ربنا يستر علينا
هل فكرت فى مصير مدونتك فى حال و فاتك؟
لا بصراحة . بس كفاية ان فى ناس ممكن تفتكرنى و تقول الله يرحمها .. هاحتاج ايه بعد الموت غير الدعوة دى حتى لو المدونة بقى مالهاش وجود ؟؟

مين اكتر مدونين اثروا فيك و ليه؟
و الله انا لسه مستجدة فى عالم التدوين و اظن حكمى دلوقتى لسه بدرى عليه

مين من المدونين بتحس انه يشبهك؟
لا مش شبهى بس فى ساعات كلام بقراه فى المدونات بحس انه بيعبر عن اللى جوايا زى اخر موضوع لايوه خدامة عن تمثال رمسيس .. ستة مليون علشان يتنقل ليه يعنى ؟و الله حاجة تحرق الدم

اكتب اسماء خمس مدونين ليقوموا بهذا الاستقصاء بعدك

ايوه خدامة
من كام شتا
MoSaic
مجرد وجهة نظر

طيارة ورق

2006-08-16T22:40:00.000-07:00

اضحك فأنت في دولـة عربيـة!!!!!

عندما تكتظ المقاهي بالشباب... وتشكوا المساجد من الغياب... أنت في دولة عربية !
عندما يستضيفون راقصة لتتحدث عن "تحرير فلسطين"... يجب أن تبكي فأنت في دولة عربية !
عندما تدرس المرحلة الابتدائية 5 سنوات... والمرحلة الإعدادية 3 سنوات ومثلها المرحلة الثانوية... وأربع سنين أخرى أو خمس في الجامعة... لتعمل بعدها بائعاً في سوق الخضار... لا تيأس فأنت في دولة عربية !
عندما يكون هناك ستة ملايين عامل أجنبي... وثلاثة ملايين عاطل عربي... فأنت في دولة عربية !
عندما تقوم من النوم لتجد في هاتفك المحمول رسائل ليس لها أي معنى فأنت في دولة عربية !
عندما تكون هناك خمس عشرة مجلة تهتم بـ الشعر الشعبي ولا تكون هناك مجلة واحدة أو نشرة تهتم بالأمور العلمية... فأنت في دولة خليجية!
عندما تذهب إلى تلك المنطقة في بلدك... فلا تجد منهم من يتحدث إليك بالعربية، وتظن أنك تخطيت الحدود حتى وصلت إلى (دكا)... لا تستغرب... فأنت في أسواق إحدى دول الخليج؛ حيث كل البائعين أجانب!
عندما تضحك عليك شركة الاتصالات في بلدك و"تشفط" كل الموجود في جيوبك فأنت في دولة عربية!
عندما تقود سيارتك الأمريكية الصنع وتأكل (البيف بورجر) وتشرب (البيبسي) ثم تُطالب بمقاطعة المنتجات الأمريكية... فأنت مجنون تعيش في دولة عربية!
أن لا تحصل على الترقية في عملك إلا بواسطة ولا تحصل على تقدير في الجامعة إلا بواسطة ولا تجد الوظيفة إلا بواسطة ولا تنتقل إلا بواسطة ولا تحصل على حقوقك إلا بواسطة؛ فأنت مواطن مسكين مقهور مظلوم تعيش في دولة عربية!
عندما تستنكر تلك القناة الإخبارية في ذلك البلد الهجوم على دولة عربية، وفي نفس الوقت ينطلق الهجوم من ذلك البلد فأنت تعيش في قُطر عربي شقيق!
عندما تكون رجل وتدخل شبكة (الإنترنت) باسم بنت... فأنت عربي!

عندما تقرا هذه العبارات المحزنة المخجلة و تضحك ... فانت عربى !

ابتسم... أنت عربي في دولة عربية!!!

2006-07-31T02:53:00.000-07:00

اخيرا عرفت يعنى ايه ماء الوجه .............

الواحد لازم يعمل حاجة و ميتفرجش وخلاص هو الكلام هيعمل ايه

ده الكلام اللى قلته لنفسى و انا بسمع كل يوم عن لبنان

و تشجعت و قررت اروح اعمل اى حاجة

لاقيت اصحاب بيقولوا نتبرع بالدم

و ماله اتبرع ما هو كدا كدا انا مش خسرانة

و رحت و كلى حماس

لكن يا فرحة ما تمت

الفقر وصل لكل مكان

حتى الدم فقير

لا ينفع ولا يفيد

مجرد شوية ميه فيها لون احمر

ده صحيح بقى ان احنا- العرب - معندناش دم

بس عندنا ميه و بنحافظ عليها بالشجب و التنديد

عموما احسن بلاش ياخدوا اللبنانيين مننا دم

خالينا احنا بعيد بدمنا ده

علشان دمهم الحر ميتلوثيش

و يبقى كل همهم كيفية الحفاظ على ماء الوجه

2006-07-26T08:35:00.000-07:00

كلنا فى الكازوزة .......
دى اول مدونة لى و من جولتى الاخيرة على المدونات التانية لاقيت ان اكتر موضوع مشعلل فى الساحة موضوع حرب لبنان و اقرا و اتفرج يا سلام على الاراء فى لبنان
مليون راى و مليون اتجاه اينعم الكل زعلان لكن كل واحد له رائه و له اتجاه
لكن زى ما الكل اساس كلامه انه زعلان
الكل من جواه عارف ان ده كاس وداير على العرب كلهم
و ان الدور جى علينا
يعنى من الاخر كلنا فى الكازوزة